*Written by 積琦蓮
唔知點解，好似每一間公司裡面，永遠都會存在一個衰同事。其實貴人同事都一直存在我們身邊，以下 4 種好同事，睇下你自己身邊有無出現到？
第 1 類: 爸媽型同事
這類同事較年長，雖然工作上沒有很多合作空間，但都會對你噓寒問暖。有時見到你心情低落，更會主動詢問你情況，平時中午 Lunch 又會關心你，公司有零食又預埋你。這類同事就似公司嘅爸爸媽媽！
第 2 類: 情報型同事
每一間公司，都會有一個情報專員，收集咗上至高層，下至洗廁所姨姨嘅關係鏈。例如:「邊兩個同事撻著咗」，「公司準備派花紅」，「今日老細心情好差」。。。等等。痴埋佢地附近，令你可以避開好多職場地雷。
第 3 類: IT 型同事
話就話公司有 IT 部，但每次搵佢地都要等一段時間先見到人。遇到緊急情況 / 加班時候，IT 型同事絕對喺大家嘅救星！
如果你就係 IT 型同事，有時你會諗... 其實你係吾係屬於 IT 部，因為壞 Printer 又關你事、電郵開吾到機又關你事、同事無 USB 都會問你，但你份人工無包埋架喎。。。
所以，受到同事幫忙，記得感恩，同埋講聲 Thank You Very Much！
第 4 類: 真心型同事
哩一類同事，佢可能階級高過你，甚至喺你直屬上司，但平時工作就共同進退，吾會點你黑路。公司有好嘢都預埋你，完全吾會有「老屎忽」嘅病徵！真心型同事，可遇不可求！
歡迎各界人士投稿交流對人力資源、經濟、投資或商業等議題的獨特看法。如蒙投稿，請寄 service@jobscall.me。
*內容純屬作者見解，僅供參考。
作者簡介：
專業投資理財策劃師、人力資源從業員、也為線上線下媒體撰寫專欄，曾在不同企業擔任管理職務，並對澳門經濟、HR文化有獨到的見解。
