近日，AI 聊天機械人 ChatGPT 掀起熱潮。ChatGPT 係由美國人工智能公司 OpenAI 開發，開放僅短短一星期，已經超過 100 萬人使用。ChatGPT 會以使用者嘅問題或題目，自動生成答案。甚至可以寫程式、論文、小說或詩歌等。

可能有人會擔心 ChatGPT 會唔會取代部分職位？實際上，ChatGPT 更像一位職場助手，可以為你簡化工作、節省時間。下面是一些在工作中可以運用 ChatGPT 的例子：

快速資料蒐集

ChatGPT 其實相當於另一個搜尋器，只要輸入所需嘅資料題目或關鍵字，ChatGPT 就會快速咁提供所有相關資料。雖然資料未必全部合適，但大大減少咗好多搵資料嘅時間！仲可能係佢提供嘅資料中，得到唔同嘅思維同靈感。

Email 回覆生成器

相信大家返工覆 Email 已經覆到盲目同燥底，每日都有不可思議嘅新奇問題要處理，呢個時候 ChatGPT 就可以派上用場啦！直接將 Email 內容放上 ChatGPT，就會有個小秘書幫你解決晒。或者想同老闆加薪，唔知點開口？ ChatGPT 都可以幫到你！

為你創作社交平台文案

Social Media 當道，小編們需要每日大量生產新嘅貼文，去增加流量。甚至要針對不同平台去創作新內容，靈感真係未必夠用。所以，當靈感乾涸時，可以利用 ChatGPT 幫手，佢仲可以根據最新嘅潮流趨勢去進行創作，令小編們達成每日嘅 KPI 不是夢。

翻譯及文字校隊

ChatGPT 唔止可以搵資料同寫文，甚至支援多國語翻譯。而內容亦唔會過於生硬，因為 ChatGPT 可以根據語境進行翻譯，令內容比較生活化同易理解；同時， ChatGPT 仲可以幫忙修正文法，甚至可以指出修正原因，令大家從錯誤中學習。

近年來，人工智能（AI）已漸漸融入日常生活和工作當中，但 AI 思考的方式和人類亦完全不同，並不能完全取代人類的工作。反而，它可以成為一個有用的輔助工具，幫助我們更有效地完成工作。隨著人工智能技術的發展，ChatGPT 或其他類似的技術可能會在更多的領域發揮作用，但我們打工仔的智慧和創新能力仍然是不可取代的。隨著微軟宣布 AI 人工智能助手「Microsoft 365 Copilot」，背後擁有 GPT-4 目前地表最強的人工智能技術支持，協助微軟旗下產品 (如 Word, Excel, Powerpoint 等) 能夠智能地工作。相信日後每位打工仔都要學習使用，而工作效率也會有更大的提升。

此文章由 jobscall.me 設計及撰寫。如欲轉載，請電郵至 service@jobscall.me 與我們聯繫查詢。非取得授權，不得任意轉載或公開傳輸。